كلمه فى ودنك

اذهب الى الأسفل

كلمه فى ودنك

مُساهمة من طرف الله محبه في الأحد 11 يناير 2009, 16:15

فجأة ..
سمعت صوت ربنا بيقوللى:

القطة
.. قلت له: مالها القطة يارب ؟ ..

قاللى: إيه رأيك فيها ؟ كائن ضعيف ولا قوى ؟

قلت له: دى كائن ضعيف أوى يارب ..

قاللى: طب واللى بيحاول ييجي ناحية ولادها بتعمل فيه إيه ؟

قلت له باستغراب جامد م الموضوع اللى بيكلمنى فيه: بتعمل فيه إيه ..
دى بتاكله أكل
.. وإنتظرت إن ربنا يسترسل فى الكلام لكن سكت ..

وقتها بس وصلتنى الرسالة اللى كان عايز يقولهالى ..

وحسيت إنى عايز الأرض تنشق وتبلعنى

لأنى إكتشفت قد إيه أنا باكسر قلبه لما باشك فى حمايته لي ..

ولما باشك فى أمانته ..

ولاد ربنا مش متسابين ملطشة للظروف تعمل فيهم اللى على مزاجها

.. لأ .. هيه مش سايبه ..

ولا هوه مولد وصاحبه غايب ..

ده صاحبه موجود ومتحكم حتى فى أتفه الأمور ..

أوعى تخلى ظروف الناس اللى حواليك تخوفك من ربنا ..

ولا تشكك فى محبته وصلاحه .. مالك أنت ومال إمتحان اللى جنبك ؟!

خليك فى إمتحانك أنت ..

ماتقارنش إمتحان شخص بإمتحان شخص تانى

لأن كل واحد مختلف عن التانى فى حجمه وقوة إحتماله ..

المهندس اللى بيصمم كوبرى بيحدد أقصى حمولة يقدر يستحملها الكوبرى ..

وبيعلق يافطة لتحذير الناس: "أقصى حمولة: كذا"

ولو الحمولة تجاوزت الحد ده .. الكوبرى هايتحطم فمن باب أولى ..

المهندس البارع اللى مصممك إنت ..

عارف ومحدد أقصى حمولة تقدر تتحملها ومش بيسمح لحد ولا لحاجة فوق طاقتك

إنها تحطمك ..

لأنك صنعة إيديه .. وغالى جدا عليه

.. "تأديباً إدبنى الرب وإلى الموت لم يسلمنى" مز 118 :18

الحياة مع ربنا ممتعة ورائعة .. مش لأن مافيهاش عواصف

.. أبداً ..

إوعى تصدق اللى يقول لك: "تعالى لربنا وحياتك هاتخلو من العواصف والضيقات"

ده الكتاب نفسه قال: "كثيرة هى بلايا الصديق" مز 34 :19

لكن إوعى تخلى إبليس يحرمك من إنك تذوق حلاوة الهدوء والسلام فى وقت العاصفة ..

إوعى تخليه يخبيلك باقى الآية اللى بتقول: " ومن جميعها ينجيه الرب" ..

من جميعها مش من شوية منها .. مهما كانت صعوبة مشكلتك ..

بدل ماتقول: (يارب .. أنا عندى مشكلة كبيرة) ..

قول: يامشكلة .. أنا عندى رب كبير .. قدير

.. "يستطيع كل شىء ولا يعسر عليه أمر" أي 42 :2

أصعب المشاكل قدام قدرته مالهاش قيمة خالص ..

وأصغر الأمور فى حياتك قدام محبته ليها قيمة كبيرة جداً ..

المهم إنك تصدق وتؤمن إن ربنا يقدر ..

لأن "بدون إيمان لايمكن إرضاؤه" عب 11 :6

زمان .. كنت زى الغالبية العظمى من الناس ..

لكن كان فى جملة بالذات كنت كل ما أسمعها أسأل نفسى

ياترى مين يستاهل إنى أقول له: "اللى عيشته قبل ماتشوفك عيني عمر ضايع يحسوبه إزاى علي؟؟"

لكن دلوقتى .. أنا عارف كويس جداً مين الشخص الوحيد اللى يستاهل إنى أقول له كده ..

مين اللى مقابلته هيه الحياة .. مين اللى حبه لي حب حقيقى ..

لما الشاب بيحب شابة بيقول لها: "بحبك موت" ..

وهيه كمان بتقول له: "بحبك موت" ..

لكن لوسألته: "هاتشبكنى بإيه ؟ .. قيراط ولا قيراطين ألماظ ؟" ..

تبص تلاقيه جاله مغص وهبوط حاد فى الدورة الدموية ..

ويقول لها: "مامعاييش" .. تقوم ترد عليه وتقول له: "يبقى ماتلزمنيش" ..

أصل هوه ده الحب اللى بين البشر ..

هاديلك إيه وهاخد منك إيه قصاد اللى هاديهولك !! ..

يعنى بيعة وشروة

.. لكن حب يسوع هوه أعظم ثروة ..
صدقنى اعظم ثروة

avatar
الله محبه
عضو جديد
عضو جديد

عدد الرسائل : 35
العمر : 30
تاريخ التسجيل : 25/10/2007

الرجوع الى أعلى الصفحة اذهب الى الأسفل

رد: كلمه فى ودنك

مُساهمة من طرف Admin في الأحد 11 يناير 2009, 18:50


موضوع معزي وممتاز
علي فكرة اسمك بيدل علي موضوعك
وموضوعك بيحقق اسمك

_________________
هل يخاصم القدير موبخه ام المحاج الله يجاوبه (اي 40 : 2)
avatar
Admin
المدير العام
المدير العام

عدد الرسائل : 182
الكنيسة : كنيسة الشهيدة العفيفة دميانة - بولاق ابو العلا
تاريخ التسجيل : 28/09/2007

http://marmina-sahafa.ahlamontada.com

الرجوع الى أعلى الصفحة اذهب الى الأسفل

رد: كلمه فى ودنك

مُساهمة من طرف اميرة بنت ملك في الإثنين 12 يناير 2009, 20:25


الله محبة
الموضوع رائع وجميل بجد لان الله لا يترك اولاده ابدا
وهو قال من يمسكوا يمس حدقة عينى
وقال انا ناقشكوا على كفى

ربنا مش عايز منا مقابل لحبه غير اننا نسلمه حياتناوهو قال
يا ابنى اعطنى قلبك ولتلاحظ عيناك طرقى
ياريت كلنا نسلم له الدفه ونثق انه قائد حياتنا

نشكرك يارب على محبتك وحميتك لينا
يارب افتح قلوبنا وعلمنا نحبك ونثق فيك وفى حبك
علمنا ازاى نثق فى حمايتك لينا ونثق فى خطتك لحياتنا


اميرة بنت ملك
عضو جديد
عضو جديد

عدد الرسائل : 2
العمر : 31
تاريخ التسجيل : 18/12/2008

الرجوع الى أعلى الصفحة اذهب الى الأسفل

رد: كلمه فى ودنك

مُساهمة من طرف magdy z في الجمعة 21 أغسطس 2009, 00:29

صديقى
اليوم انا اقدر اللوم نفسى انى دخلت كتير المنتدى ولم ارى هذا الموضوع الرائع باللغه العاميه السهله الخاليه من تعقيدات النحو اشكرك واشكر تعبك فى هذا الموضوع
صديقى ليس من السهل على الانسان الملئ بالخطايا والسقطات ان يرجع الى الحضن الدافى المفتوح على عود الصليب لان الكتاب يقول توبنى يارب فأتوب يبقى لزوم الرجوع تحرك السيد الرب الينا بزيارات النعمه التى تعمل وتلامس احتياج الشخص الخاطئ بدون مجاملات او تزييف فعلا الواحد بيحس بايد ربنا بس السؤال الاصعب والاهم
هل انا لما بسمع وبشوف هل برجع زى الابن الضال مثال الرجوع العظيم الى ابيه ؟ اعتقد كل واحد يقدر يجاوب وانا مستنى اجابات للمشاركه الفعاله
صلى من اجلى
اخوك
مجدى زكى
avatar
magdy z
عضو جديد
عضو جديد

عدد الرسائل : 85
العمر : 36
تاريخ التسجيل : 01/10/2007

الرجوع الى أعلى الصفحة اذهب الى الأسفل

رد: كلمه فى ودنك

مُساهمة من طرف ايمو في الأحد 23 أغسطس 2009, 19:33

]الموضوع رائع جدا الرب يعوض تعبك

ياريت مواضيع معزيه زى دى كتير
الرب معك

ايمو
عضو جديد
عضو جديد

عدد الرسائل : 113
العمر : 35
الكنيسة : العذراء
تاريخ التسجيل : 23/05/2009

الرجوع الى أعلى الصفحة اذهب الى الأسفل

رد: كلمه فى ودنك

مُساهمة من طرف شيرى ابراهيم في الخميس 26 نوفمبر 2009, 21:58

الموضوع اكثرمن رائع ربنا يعوضك قعلا الحب البشرى لازم تاخد علشان تدى نادرا ماتجد العطاء بدون اخذ لكن ربنا حبه لينا بدون مقابل مننا مهما عملنا وجرحنا فيه يفضل حبه لينا يزعل علينا وقت ما نقع فى الخطية لكن مش بيسبنا ابدا ويفضل ورانا لحد مانرجع تانى لحضنه ويبقى فرحان بينا

_________________
ليتنى طفلة واكبر همئ لعبتى
avatar
شيرى ابراهيم
مدير
مدير

عدد الرسائل : 144
العمر : 31
تاريخ التسجيل : 16/10/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى