عائلة مارمينا صحافة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حديث سلفى مش موجود

اذهب الى الأسفل

حديث سلفى مش موجود Empty حديث سلفى مش موجود

مُساهمة من طرف magdy z السبت 28 مايو 2011, 21:47

بسم الاب والابن والروح القدس

اله واحد امين



مصر فى 7 / 5 / 2011

فى مثل هذا اليوم فى تمام الساعه السابعه والنصف مساءا بتوقيت القاهرة هاجم السلفيون منطقه امبابه وهى احدى المناطق الشعبيه فى القاهرة وقاموا بمهاجمه عشر كنائس بتخطيط بالغ الدقه قاموا بحرق كنيسه عن اخرها وكنيسه اخرى وبمحاصرة وقتل للشعب القبطى الاعزل وكان دور الشرطه والجيش فى هذا التوقيت هو تأمين السلفيين وليس الاقباط العزل حتى سقط عدد من الشهداء اعرف منهم اشخاصا واصابوا مئات من الشعب القبطى المصرى ولا يهدؤن حتى كتابه هذة الكلمات وعلى الدنيا السلام



اولا :- انا مصرى قبل ان اكون قبطى لان هذة حقيقه تاريخيه لا تقبل التاويل



ثانيا : - منذ اندلاع الثورة فى 25 يناير فى هذا العام وتنحى الرئيس السابق ظهر جماعه من الغوغاء واقصد هذة الكلمه بكل ما فيها من معانى واطلقوا على انفسهم لقب السلفيين بدل كلمه ( القتله ) او بدل كلمه ( الحمقى ) او بدل كلمه

( الجهله ) او بدل كلمه ( الرعاع ) على فكرة ابحثوا عن كلمه ( الرعاع ) فى التاريخ الاسلامى هتشوفوا العجب فى ايام المماليك الشراكسه مش دول مسلمين برضه ولا ناس تانيه المهم حوادث السلفيين فى فترة اربع شهور حاجه تحرق الدم انا سوف اذكر شيئا بسيطا عن هذة الاحداث الاجراميه



أ‌- حرق كنيسه فى صول – اطفيح



ب‌- قطع أذن رجل مسيحى اعزل



ت‌- التهديد بقتل كل ماهو غير مسلم وسلفى



ث‌- مظاهرات بلا داعى



ج‌- احداث امبابه التى تحدث الان



انا مش هاتكلم عن الاحداث دى كلها لانها بتتكلم عن نفسها انا هاخد نقطه واحدة بس وهى



مظاهرات بلا داعى



استوقفنى فى احدى المظاهرات واحد شكله من وحش اوى ايوة بجد دقنه طويله وجلباب قصير وعلى وشه غضب ربنا ورافع لافته بتقول ( عايز اختى كاميليا )

جميل اوى الشعار دة بس فيه كام سؤال فى قلبى ليك ايها الفاتح العظيم



1- هل هى اختك من نفس الاب والام ام بالتبنى ؟



2- انت تعرف عنها ايه ؟ شوفتها قبل كدة ؟



3- عايز اختك ليه ؟ علشان تجيب ليك العيش والفول ولا دعايه اعلانيه للاسلام ؟



4- هو انت بتخاف من حد على اختك اللى هى مش اختك ؟



5- ما هو مفهوم كلمه اخت عندك ؟





هحاول اساعدك انى اجاوب معاك على شويه الاسئله البسيطه دى ماشى يا سيدى



اجابه السؤال الاول : -



طبعا هى مش اختك من نفس الاب والام ومش اختك بالتبنى لان الاسلام مانع التبنى

ممكن تكون اختك فى الايمان جايز بس قبل ما تكمل اجابه خد الحته دى ( هل انت شوفت وثيقه تثبت اشهار اسلامها طبعا

( لا ) هل انت شوفتها بتصلى ركعتين لله طبعا ( لا ) هل شوفتها متحجبه طبعا ( لا ) يبقى تحط لسانك فى بقك بدل ما اقطعه بايدى



اجابه السؤال الثانى : -



انت اللى تعرفه عنها انها سيدة مسيحيه متزوجه بكاهن فى المنيا وطلعت اشاعه بتقول انها اسلمت دة كل معرفتك بيها سمع انت سمعت وبس انت شوفتها وجها لوجه طبعا ( لا ) سمعت يعنى بتردد كلام من غير ما تفهمه دة لو عندك عقل اصلا يعنى بتساوى بغبغان يعنى حط لسانك فى بقك بدل ما اقطعه بايدى



اجابه السؤال الثالث : -



طبعا الجزء الاول من السؤال اتجاوب عليه بقى لينا الجزء التانى والتالت



بالتاكيد انت عايز خدامه تخدمك زى زمان وطبعا علشان مراتك تتعزز لازم تجيب ليها خدامه من برة وانت عارف قاصدى اصل الاسلام لغى الرقه والعبيد على الورق بس انما فى عقول ونفوس الناس لا الجزء التالت فى السؤال الخطير

قبل كل شئ الدعايه شئ مهم فى الدنيا بس بسبب غبائك بتعمل دعايه غلط عارف ليه لانك لما جيت تعرف نفسك بالناس استبحت الاضرحه الاسلاميه وكرهك بعض العقلاء من الاسلام ولما حسيت بكدة أكلتك الغيرة رحت موجه بصرك صوب الكنيسه وطبعا انت فاكر انك بتعمل دعايه للاسلام كويسه بس اقولك على حاجه دى مش ارضك ولا بيتك ولا انت انسان عارف ليه علشان انت مش بتحترم الناس بتقتل وبتشتم زى ما يحلو لك

كفايه اجابه فى السؤال دة علشان لو اتفتحت فيك مش هايكفينى سنه كلام وحط لسانك فى بقك بدل ما اقطعه بايدى



اجابه السؤال الرابع : -



طبعا انت مش بتخاف من حد لانك راجل ولا كمان بتخاف من ربنا لانك لو بتعرف ربنا هتحبه واللى بيحب حد مش بيخاف منه وبيحب يعمل اللى يرضيه اقولك ليه مش بتحب ربنا ماشى يا سيدى مكتوب فى القران الكريم ( ان جائكم فاسق بنبأ فتبينوا على ان تصيبوا قوما بجهاله فتصبحوا على ما فعلتم نادمين ) صدق الله العظيم

طبعا انت معملتش ولا حاجه من الايه دى وعليه انت مش بتحترم دينك ومقدساتك يبقى هاتعرف تحب ربنا طبعا ( لا ) عارف ليه لانك بغبغان وحط لسانك فى بقك بدل ما اقطعه بايدى



اجابه السؤال الخامس : -



هاغيظك ومش هجاوب عليه عارف ليه لانك بتحتقر المرأة فى البيت وبتقعد تنادى فى التليفزيون بالمساواة وشكلك بيكون وحش اوى

كلمه اخيرة

الكتاب المقدس بعلمنا وبيوصينا على محبه الاعداء ومسامحه المبغضين لينا بس خالى بالك

فى انجيل متى عندنا كلمه حطها حلقه فى ودنك ( مت 26 : 52 ) ( لان كل الذين ياخذون بالسيف بالسيف يهلكون )

على فكرة انا لو غضبت عليك ربنا اللى يعلم مش هاتعرف تنام ولا يغمض ليك رمش دة مش كلامى دة كلام ربنا فى الانجيل

قال ربنا لاولادة ( من يمسكم يمس حدقه عينى )

انا مش بهدد حد بس احذر منى جامد جدا

مجدى زكى طانيوس

شرم الشيخ

8 / 5 / 2011
magdy z
magdy z
عضو جديد
عضو جديد

عدد الرسائل : 85
العمر : 42
تاريخ التسجيل : 01/10/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى